來到第十五集未完成的旅程，這一集終於來到 21/11 的 Liverpool 之旅了
提起 Liverpool 你想到的第一個關鍵字是：
利物浦（足球球會意思）？披頭四？海岸？還是失業？
我的關鍵字是：去 Liverpool 嗰日真係凍到爆啊（嗶嗶嗶犯規喔，這是句子喔）
（請問，梁文音的《黃色夾克》是跟這首歌致敬嗎？）
呢一日應該係係我英國生活咁耐最凍的一日，係 Manchester 仲要落雪，雖然我錯過左
就連到十二月都無呢一日咁凍（聽講英國今年冬天歷年來最暖）
嚟到 Liverpool 雖然係大晴天，但係刮起陣陣強風，風勢好似把利刃咁有好強啲穿透力（歌手很需要的東西），就算著幾多層衫都擋唔住，
凍到我一落車第一件事就係諗住返屋企，真的是，我的媽啊，連《愛其實很殘忍》也不足表達那種冷
 |
| Radio tower ，不要被這大片藍天騙了！ |
今次我有參加免費步行團，但因為佢十一點先開始，但我九點幾就到左，
所以就把握時間先在附近遊蕩一下
第一站是 central library, 規模似乎跟銅鑼灣中央圖書館相若，
設計上都引入天然光，而且裡面好新淨，因為翻新過係2013 年重開
然後圖書館最吸引人的地方是頂樓有露天觀景臺，可以係高點望向全市，雖然我覺得如果真係要觀景應該要去 radio tower
而且因為是露天的關係，雖然有戴手套，但一出去嗰陣手都快凍僵了，所以趕快拍兩張照就想跑回去室內的地方
 |
| 好喜歡新的圖書館，比較有動力留耐啲 |
 |
| 樹木隨着冬天而漸枯 |
接下來就簡單去了 World Museum，就在圖書館旁
如果唔係咁我真係想留係圖書館成日，因為我完全著唔夠衫
雖然叫 world museum 但其實裡面可看的點不多，範圍好廣泛，有生物，有世界文化等等，但偏向蜻蜓點水的講法
比起大英博物館或者係 Oxford natural history museum，這一家的氛圍有一點悶，就是展品跟觀眾的距離有點遠；
如果係當地居民帶小朋友睇係好啱，但作為旅遊景點有點弱。
雖然如此，但嗰日有個實驗係對比兩段 short clip 找不同，去證明人思維上的盲點（因為要找不同就太注重細節，看不見根本改變），我只能說這種實驗真係萬試萬靈
 |
| 外面的建築還比較有特色 |
快到步行團集合時間，於是我就返返去集合地點 St. George's Hall
然後雖然係免費，但理論上首先要預約，然後要 take attendance
所以大家就要排隊登記，而且當日好多人所以搞左成半個鐘，個 tour 最後遲左開始
而且因為人太多所以要分兩組，其中一組導遊是講西班牙語的，另一組就是英文組，那我當然跟英文組（題外話：步行團籌辦公司 Sandemans 係好多城市都有步行團，而且通常都係英文團，西班牙語團各一）
等待完成手續期間我試圖同一個巴西人搭訕結果佢唔多點想理我，
結果有一個女生跟我搭訕，是大學生，原來她在接受培訓遲下做正式帶團嗰個，所以要熟習同遊客搭訕硬聊的技巧
英文團的導遊來自澳洲，喜歡四處旅居，曾係 Liverpool 留過一段時間
澳洲口音其實蠻好懂的，雖然前半段我還是一直恍神
係 Liverpool Lime Street （主要火車站）附近有間酒店
係唔知幾時住左好多學生（我忘了是不是現在），
大約係因為佢地讀嗰啲野同酒店管理相關，唔知係係附近上堂定係實習，所以即使酒店租金好貴，但因為其他住宿實在是太遠，所以他們還是住在那酒店
 |
| 大家看見那些彩色的鳥沒？謝謝步行團導遊指出來吧 |
 |
| 在鬧市的角落中，一個寂寞的身影，可能是他、她、你或我 |
然後我們就來到了 Mathew street , Beatles 誕生的地方
這條街上酒吧林立，而且有很多樂團會在晚上演奏，
所以來 Liverpool 不用擔心晚上沒事可做，雖然我是即日來回傍晚馬上回去
裡面的酒吧林林種種，我也有點分不清邊個打邊個，只記得有一家換過門口
時空一轉來到了lunch hour，導遊讓我們去了一家他們公司合作的咖啡店休息，
因為持步行團票據可係咖啡店享有折扣，
而且導遊順便推銷另一個收費步行團，係下午三時開始，我是覺得不太意外
然後來到咖啡店可以避一避外面的寒氣，止一止鼻水，何樂而不為？
（以下內容或涉及暴力血腥情節，敬請留意）
接下來就是看這個位於 town hall 北面的 Nelson Monument
是紀念18世紀的軍官 Horatio Nelson 而建的，之前係倫敦 Trafaglar square 也有類似的紀念像（這是維基告訴我的）
他曾經打仗嗰陣比敵人刺中右眼，導致右眼失明，想起都有點可怕
然後導遊提起有雕像人物係無左一邊睾丸，我以為佢係講緊同一尊紀念雕像，但查一查維基 Nelson 睾丸無受傷。
反而係另一座位於 Goodison park 雕像主角 Dixie Dean （愛華頓前球員）是真的在足球比賽期間踢到無左一邊睾丸，雖然我係上集去睇波嗰陣連尊雕像都留意唔到
所以我懷疑一係我聽錯，一係導遊講得太含糊（事實上我常常懷疑自己有無聽錯，因為我逐個字聽係明，但串埋一齊就越聽越亂）
 |
| 導遊說，這個鐘的面積比大笨鐘那塊還要大哦 |
 |
| Liver bird - symbol of Liverpool |
來到這裡就是 Mersey river 河傍了，導遊說教堂那一排的建築物都好好看
還有一個故事是，有人曾經試圖係城市籌款起間好大型的教堂，覺得咁大個城市點可以無大型的教堂呢？但最後市民覺得無必要就無疾而終，雖然嗰個人好想起，但孤掌難鳴啊
然後導遊指着近河邊的 museum of Liverpool & Mersey pier 指着它們說很醜，
跟馬路對面那一排形成好大對比，各位觀眾可以自己評評理
係度佢仲提到曾經有人就唔同口音嘅 attractiveness，我唔肯定係講口音本身定係有嗰種口音嘅人；
結果發現，Liverpool 口音係不列顛群島裡面魅力程度排行倒數第二，僅贏伯明瀚
那冠軍是誰？答案是愛爾蘭口音，雖然去完 North Ireland 之後我是覺得還好，
可能要電影《格雷的五十道陰影》男主角 Jamie Dornan 這種等級我才會感受到 Irish 口音的魅力吧（嗶嗶嗶，你根本就是看見帥哥先加50分吧）
其實我沒有看那部電影 （掩面逃跑），而且聽影評講 Dornan 先生在電影中努力不要流露出 Irish 口音，聽那部電影也不準確。
［性別偏見模式］我覺得女生的口音對聽者理解的影響好像沒那麼嚴重，語速音調反而影響更大
話說係成個 Liverpool 有好多呢種雕像，好似係一個藝術系學生設計，就好像蕉跟羊（還是狗）的混合體
設計靈感有兩種講法，一種係批判隨意基因改造會令生態亂七八糟
另一種講法係純粹嗰個學生係deadline fighter ，苦無靈感下先吃香蕉，然後無頭緒下就隨便把東西混合一下，結果就意外變成全城新 icon。你相信哪個說法？
然後這些雕像有大部份都拿去慈善義賣，剩下二十幾個散佈在全城不同角落
步行團後首先我去 Museum of Liverpool 對面的 open eye gallery
就很迷你的藝術畫廊，地下那層有很多女性裸上身/穿泳衣的畫像，畫風比較卡通誇張，一樓是在非洲動物人事的畫，比較寫實
但說實話我有點掌握不到想表達的是什麼
下一站就是 museum of Liverpool
裡面的展品蠻多的，甚麼都有，而且氛圍比 world museum 明亮很多
其中有一 part 是講城市以前是貿易港，有很多跟世界往來的貿易，英國主要出口茶，紡織品之類
以前有很多中國船員在 Liverpool 落地生根，跟當地人生兒育女
但在二戰後政府覺得中國船員太多，於是用盡手段（又騙又哄之類）把他們從家庭妻兒分離，送佢地返中國，仲要同當地細路講係中國父親唔要佢地，嗯，好像有點不道德
而且在70-80 年代當地失業率50年內最高（因為當時全國經濟衰退），在81年城內發生暴動，其後城內失業率還是偏高，好像近幾年才好一點（？）
不過博物館內展品被移去維修的情況有點多
而且當天電腦互動程式有啲出現黑畫面（其實啲字係藍畫面嗰款）
05657
接下來是去 Mersey Ferries 頂樓 The Beatles 4D movie display
那門票其實是包4D 電影和15 分鐘路程外的博物館展覽，四十八小時內有效
雖然那 4D movie 其實有點無聊，就係講一個男仔被女仔約去 Cavern club (Beatles 發跡地)，但要係十分鐘內到，於是經過奇蹟般上山下海般的旅程後終於準時到左，全劇由 Beatles 啲歌穿插，
我一開始以為個男仔係 John Lennon 但似乎唔係。
成個過程有噴水有椅子震動，但故事有啲無頭無尾，我以為男仔準時到左之後就係 showtime 點知就咁完左，有點唔知做緊咩咁，還好電影本身短，可以來得及去 Beatles 博物館
 |
| Albert Dock - 標準旅遊景點，有商店，有博物館，有船，有水 |
那家博物館是位於 Albert Dock 離碼頭較遠的方向，所以一開始有點迷路
那個時候除了 The Beatles 之外其實都有好多其他由年輕人組成的樂團，但為什麼他們可以脫穎而出呢？除了好的音樂外，有好的經紀人處理形象還有連絡唱片公司也是很重要的
一開始 Brian 當經紀人時，威逼團員要穿西裝，台上不能抽煙，天啊搖滾樂團搞這套可以嗎？結果團員還是接受了。
然後經紀人在找唱片公司合作時也是經過重重波折，在不放棄下終於找到 EMI 發行（沒記錯應該是 my Bonnie)
在經紀人 Brian 出現之前，其實 Beatles 曾經經歷過換鼓手的風波
原因是製作人實在太不爽原有鼓手打鼓技術太爛，但是因為已經積累了一定粉絲所以貿然換人當然會惹來不滿（尤其這種樂團賣的不只是音樂，還有樂團成員透過音樂，舞台表演表達的信念和魅力）
想想看，如果當年 S.H.E 製作人小胖老師跳出來講，因為 Ella 唱得太差拖累了 Selina & Hebe 所以要把 Ella 踢出團體（註：小胖老師早期真的在錄音室罵過 Ella 拖累 S&H），你是 S.H.E粉絲你也會暴動吧 （尤其她們三人感情這麼好）
所以，我真的覺得 Beatles 做出了這個決定真的很大膽
自此之後，Beatles 就經歷名成利就，風靡全球，
然後就變成單飛，解散，各自過着理想的人生（真的嗎），
好啦我是不小心想起徐拉拉的歌《理想人生》歌詞，只是除了John Lennon 外也有人試圖單飛但迴響好像一般（還是我記錯），也有人過着平凡的家庭生活
插曲：理想人生 Ideal Life / 徐佳瑩 Lala Hsu
直至 John Lennon 被暗殺，但是 Beatles 影響力到現在還是可以看得見
Beatles 的音樂的力量不只在於技術好（雖然年中歌唱比賽一堆人唱 Beatles 十敗九傷）
而是背後實在很多信念，在俄羅斯也有人聽了他們的音樂，開始反思當下的制度和人生
音樂給了我們希望跟力量，但要真的做到，前路還是很遙遠（不講世界和平，只看香港那堆教育，網絡自由，甚至是政制上，大氣電波上的權利；然後再看看現在政府和建制派的把戲，我們就知道，我們離真正理想的社會，理想的日子還是好遠）
片尾曲：Imagine / John Lennon
巴黎恐襲事件是在我去 Liverpool 前一個星期左右發生
當晚成間宿舍係異常地靜，後來才知道事件的發生
這幾年看見世界的殘酷不堪後，我漸漸覺得，世界和平會不會是奢望，因為根本沒有一邊會妥協
當然除了宗教禮制理念上的不同外，背後還有一堆國家利益政治角力考量
但就算把這些讓事情更複雜的因素抽掉，只講表徵「宗教衝突」本身已經夠複雜
我地係香港，中大讀 UGFH 也好或者係中學上通識堂也好，因為我們算是局外人所以不懂為什麼大家不能互相尊重彼此的信仰習俗，一定要逼對方接受自己那套（例：法國禁止回教女性穿全身包透的保堅尼泳衣）
但再對得多早期英國文學的作品（因為我 Renaissance Literature essay 做這個），會發現「以歐洲為中心」，「異族=不文明」觀念印象早在五百多年前已經根深蒂固，而且潛移默化咁滲透係多個角落；
雖然現在大家開始提倡要平等對待不同信仰，但係好似 Donald Trump 呢類人總係不時提醒大家潛意識裡面呢個流傳好耐的觀念。（因為穆斯林嗰邊我唔熟所以唔敢講）
世界上的人要怎樣才能有理智和勇氣拋棄這種帶偏見的觀念呢？求神嗎？
然後最近英國決定轟炸敍利亞，
我今個月去左一場座談會，係反戰組織搞 ge，其實席間就算敍利亞人都有相反意見
有敍利亞人當然唔想家園被炸國民受苦，但係席間都有該國的人表示希望英國趕快來炸一炸，不然在 ISIS 下佢地都係受苦，已經等唔切其他方法慢慢黎
之後又有人提出其實當時利比亞人民都有歡迎西方轟炸解決獨裁政府的聲音，但炸完之後其實問題都係無解決。
聽完之後，我只是在想，世上到底有誰既有資格，又有能力去判斷戰爭武力的正當性呢？
聖誕佳節臨近先黎發放咁多負能量（好明顯係做 essay 精神錯亂中）真係唔好意思
來散播一下正能量：係 Liverpool 吹完一日冷風之後，回到 school accommodation 嗰刻，有種回家真好的感覺
也許，我只是希望世界簡單美善一點而己
沒有留言:
張貼留言