最近正在聽 2016.1.30 一首歌帶來的不同感受 - 不醉不會

本台繼旅遊節目《未完成的旅程》正處於尾聲之後
音樂節目《最近正在聽》又要回來了，呦呼（明明一月頭就回來過做過一集，請問製作團隊是在假 high 啲咩？）
所以，歡迎收看囉

因為係 2016 年系列第一集，所以頭幾集會做唔同嘗試
例如今集係做「一首歌帶來的不同感受」系列，即係分享同一首歌經過唔同歌手演唱之後主持人有甚麼評價（X）有甚麼想閒聊（O）

點解節目會想做呢個系列？
事緣主持人有一位好喜愛的歌手，最近上左一個《我是XX》的歌唱比賽；
雖然主持人我對呢個比賽的觀感一般般，但自己偶像上去比賽唱其他人的歌，加上佢翻唱本來就水準好好，原本想說不要看，結果都係睇一下好了

咁好似主持人呢類口水佬（什麼我才二十多一點好嗎），睇得就忍唔住想加把口落去
但又唔想幫節目賣廣告，所以就做同一首歌比較，而唔係當集所有歌手的評論
另外就是雖然該電視節目是每星期一集，但本節目不一定每星期都做這個主題，因為主持人不想硬聊
（而且我真係無貼住追嗰個節目，只係偶然睇一下）<- 傲嬌貌

歌曲簡介
今集我地鑑賞的歌係〈不醉不會〉（講到呢度大家應該知我偶像係邊個）
收錄在田馥甄第三張個人專輯《渺小》第4軌，由劉大江作曲，林夕作詞；華研唱片發行
帶點輕電音快歌的味道，但歌詞很有玄意喔（就，標準林夕 style）

其實主持人我聽過幾個版本，呢度暫只討論三個（因為其他有點沒話講）
首先第一個當然係原唱版本先

1) 田馥甄 - 不醉不會 MV 版本


〈不醉不會〉係 Hebe 第一次唱輕電音快歌
但同平時其他快歌唔同之處在於，〈不醉不會〉主歌強調旋律線條，考驗歌手每句句子裡面聲音表情可以幾細膩；
而副歌節奏規律感比較重，而且速度越來越快，所以氣息運用（或所謂，or commonly known as，「中氣」）、節奏感就很重要，因為這會影響副歌能不能拉上嚟，同主歌作出差異，要不然整首歌如果太平就不 high 了
（有沒有覺得嗰句英文有啲欠打）

Hebe 自從單飛發行個人專輯之後，一直有意見覺得佢唱法好似王菲
畢竟王菲是 Hebe 偶像，所以唱法上被影響都合理（正如我也覺得唱歌嗰陣我不自覺地學到我偶像一點點，有沒有覺得我不要臉）

而且呢首歌 Hebe 唱法很輕飄飄，真假音有空靈的感覺，
但又不至於輕到飄上山頂的感覺，就好似飲得太多酒之後趴左係度，點叫醒呢位女士都叫唔醒的感覺
具體一點講，整首歌的畫面就好似係，有位年青少女，應該已經踏入職場幾年
然後不知道什麼緣故就係夜場到喝到酩酊大醉，只能獨自趴係夜場角度一張枱上
本身佢係意圖灌醉自己，睇下可唔可以麻痹自己的痛苦，但因為 Hebe 飲左品質普通 ge 酒（X）Hebe 愁緒壓力太大（O）；
所以雖然係有啲輕飄飄的感覺，但其實並無真係見到期望見到的仙境
到最後如果無人阻止的話，佢會就算趴係枱上，都不停追酒飲
聽呢個版本，我最大的感想係，Hebe 酒醒一定會好唔舒服，會頭痛啊什麼的之類，所以身邊暗戀她的人記得泡定解酒茶 lol
所以不要試圖透過飲酒去麻痹自己悲傷的情緒喔，喝酒過量仲會對健康造成傷害，敬請觀眾注意

延伸聆聽︰田馥甄 另一首輕電音快歌 〈姐〉
兩首比較起來，〈姐〉給人的感覺壓力比較小，真的有電音的快感，所以我喜歡〈姐〉多一點

2) 楊淑萱 - 不醉不會 @ 2015 橘子20星光大道

楊淑萱係舊年台灣《橘子20星光大道》第六名，專長快歌舞曲（雖然不是蔡依琳、蕭亞軒那類猛跳型）。
雖然剛才提過〈不醉不會〉跟其他快歌不同之處
所以技術上，主歌聽起來 Hebe 還是比楊小姐唱得細緻一點；另一點就係楊淑萱的音準，包括第一遍主歌還有最後一次 C 段「看得很瑣碎」開始都有啲失控

但如果聽過 Hebe 〈不醉不會〉現場版本時候，大家應該會 get 到楊小姐的優勢係邊度，
就係楊小姐的中氣真係好足夠，夠中氣的人真係想唱咩，尤其 high 歌都方便啲；所以聽起來會比較自在，還有 high 感

Hebe 現場版本的尾音真係好短，尤其副歌每句句尾都收得超快，
短到我好想講︰如果可以多點氣，尾音再唱長一點就好了（不過我還是肯定 Hebe 的實力已經算不錯，只是肺活量真係很難練，所以華研有什麼公開體育活動盡可能推 Hebe 去參加喔）

對我嚟講，楊淑萱呢個版本，就好似係一個未畢業的女生
佢身邊 ge 親戚個個都「無聊拿放大鏡」去批評佢，令佢覺得好煩
於是又去夜場飲酒，然後飲到一半心血來潮，衝出舞池瘋狂跳舞，就好似小 S 係《康熙來了》咁不停即興跳舞，越跳越起勁忘我，國標、鋼管、M字腿、咩招數都出曬嚟
你不會擔心佢會係場上出咩事，因為會有姊姊大 S 睇住（X，人家是楊淑萱不是小S） 看起來還算清醒，還有精神跳舞，應該唔似會嘔到一地都係
只係第二日醒返會唔會腰酸骨痛我就唔肯定了

3) 徐佳瑩 - 不醉不會 @ 我是歌手第 4 季

（氣死我，還是要開節目名，明明人家沒給廣告費）
拉拉這個版本把前面放慢，後面回到正常速度；就正好把主歌旋律性重、副歌強調節奏的差異加以強化
係前面主歌拉拉會把兩句連起來唱，感覺更似「行雲流水」，
而且前面那些「啦」、「嗚」慢慢拉長音真的很美，可以想到那酒一定很好喝

去到副歌當然仲有兩次副歌中間嗰段變奏「啦…哩…啦…」呢個咁高亢的亮點
而且很厲害的是呢段變奏內居然有三種不同的音色，一種是一開始那種，然後是假音，然後最後「吼 oooh」突然變厚的音色，實在是很爽又過癮，重點是不會變太吵
就好像一個人喝醉之後，上到喜瑪拉雅山山頂、像是無人之巔，獨自一人很爽地把煩惱喊出來，
一定是要很好的酒才會讓你可以享受這樣登峰的美好，而不用擔心會唔會醉到嘔到成地都係、聽朝起身會唔會頭痛返唔到工之類（有沒有覺得如果飲酒都要諗呢啲好刹風景）

而且更厲害的是，拉拉在狂放地大吼之後，「亂紛紛像一首朦朧詩」馬上收回來的時候，氣息、穩定度都一次到位（音準因為有修音傳說所以不敢講，但我相信拉拉不用）
睇過咁多年歌唱比賽，其實要唱得很放很高亢很有爆發力其實不是最難，馬上收回來音準和穩定度要馬上到位係更加難，因為要突然之間將外放的東西變內斂其實要很多功力

拉拉這個版本跟前面兩個版本，對我來講最大分別係，
Hebe 同淑萱小姐的故事都係一下子將自己灌醉，講醉之後的感受，佢地飲左啲咩酒其實我自己就唔會 care；
但拉拉呢個版本，會令我覺得，哇到底係咩酒會帶黎好似前面主歌如仙之境、後面氣氛奔騰的感受，害我好想知道拉拉喝的是什麼酒喔

主持人你最喜歡哪個版本？
Hebe 的粉絲很抱歉，因為我自己很偏愛中氣足氣息綿長路線的歌手，所以我無法選 Hebe（雖然佢聲音唱法係好有特色）
至於拉和楊，就技術和故事豐富度拉拉是更勝一籌，但我也很愛看小 S 在康熙來了發瘋跳舞（又好笑，但又真係跳得似模似樣），所以我可以給平手嗎？（你是想害楊小姐被拉粉和 hebe 粉絲打嗎？）

以上只屬主持人個人意見，而且不是專業樂評，只是自 high
所以大家如果感到被傷害，我真的不好意思

另外就係，其實呢個同一首歌比較的專欄唔一定會每星期都做喔
有其他《不醉不會》版本也可以推薦看看

未完成的旅程 The Unfinished Journey #19 Northern Ireland Part 2 - Belfast

來到第 19 集未完成的旅程
今集我地繼續北愛爾蘭之旅，由 Day 2 係 Great Causeway 返黎 Belfast 繼續講起

當時正值 Christmas 前後的日子，所以一落到 City hall 就係當地的 Christmas market
因為載我去 Giant Causeway 的旅行團其實係由愛爾蘭首都 Dublin 出發，
所以其他由 Dublin 來的遊客只有一小時遊覽 Belfast 就要坐車回去，但我可以愛待多久就待多久
嗰度 ge Christmas market 如何？就…充滿節日氣氛（廢話），有很多小食售賣，一切都是歡樂、大家樂也融融，直至…

IRA 鼓動大家武力反抗的單張，一切都不會過去

離開 Christmas market 之後再往北走，走到某個街頭看見警車，還有幾個樣子很嚴肅的警察
係香港見到警車行過係唔出奇，但係英國我真係好少見過警察出現
之後見到有班中年男子敲住鼓咁係馬路上大搖大擺咁遊行，但問題係馬路上睇唔出有明顯封路（雖然係少車），警察只係係行人路上睇住
之後我問一個警員發生咩事，原來係新教徒定時定候都會出黎馬路遊行 marching 咁話，話係傳統，每星期一次
如果就咁聽，喔傳統啫，無咩野；但係聽過新舊教徒係北愛爾蘭多年衝突之後，當下第一下覺得︰新教徒你地有無必要咁招搖（而且聽起來佢地仲係外來者）

作為一個旅客，係 Belfast 你絕對可以做好多事情
除左好似我咁去睇新舊教徒衝突痕跡之外，其實仲可以去睇海，睇 Titanic museum，睇藝術，Shopping，
或者甚至做環保團體最痛恨的打卡式旅行都可以，適合各種懷有各式各樣需要的旅客
不過因為我的旅行目的都幾明確，所以後面嗰啲活動我就比較少做了

到左星期日 6/12/15，就係正式遊覽 Belfast 的時間了
係 Belfast 有好多 black cap tour，就係當地的士司機導遊大家到當地分隔新舊教徒聚居處的 peace wall（類似柏林圍牆的形式，雖然當時東、西柏林人並不討厭對方，新舊教徒不然），同埋民居 ge graffiti
雖然收費有啲貴，但我覺得如果係有心去睇呢啲歷史紀錄的話最好都係 join 呢啲 black cap tour，
一嚟 peace wall 離市中心步行路程確實有啲遠，二嚟到目前為止，係連接分隔新舊教徒聚居處的道路上的閘都唔係每日都開，所以單靠 Google map 會不停行冤枉路，
呢個時候，你都係需要一個識途老馬

不然千辛萬苦行到黎，發現條路落左閘，咁就唔好啦

我搵嗰間提供 black cap tour 的公司，佢個 plan 係 1-3人坐 black cap tour 都係總共收30鎊
既然如此，當然係多啲人坐會合乎成本效益一啲，
But, But 我一人上路，沒關係，我問 hostel 來自澳洲的女 flatmate 要唔要一齊黎，結果佢都話好
認識主持人的讀者都知道，我平時並唔係會主動 R 陌生人同自己一齊遊覽的人，點解今次又會咁主動呢？
咁係因為我是 costdown 之王，有 economic incentive（X） 因為人到左外地會更勇敢改變（O）

越建越高的 peace wall，可見一點都沒有 peace 吧

係嗰程裡面，的士司機同我地分享左好多野
其中一樣最令我深刻的係，舊教人眼中的恐怖分子，係新教的一些人眼中係民族英雄，係會被致敬
同埋佢話當時兩派人的武力衝突（史稱 The Trouble）其實主要係草根階層、教育水平不高的人之間的衝突，因為有教育水平的人都知道武力不能解決問題

新教人眼中的民族英雄，策劃好多襲擊舊教人的行動
係新教民居到佢的畫像係充滿致敬態度　

係新教民居群中，有啲 graffiti 其實已經係無咁對舊教群充滿敵意
以前一啲充滿武力、仇恨的 graffiti 已經換成青春、和諧共融的宣傳海報
但係當政府想全面消除呢類仇恨武力的 graffiti 時，受到一啲居民強力反對，一方面覺得間屋係佢 ge 佢高興點就點，另一方面有啲居民覺得係過去 ge 歷史
所以呢類 graffiti 並唔係全部都被和諧希望類 poster 取締

BEFORE

AFTER

係起 Peace wall 之前，啲學生其實可以去位處唔同派別的學校上課，但一有左 peace wall 就唔可以（我唔肯定係變難左定係點）
司機其實係舊教人，雖然其實宜家兩派都有零星衝突
但他也認為 peace wall 應該要拆除，因為只有相互了解先可以消除仇恨，唔好放兩方係對立面
而且其實宜家係 Belfast 其他地方，兩派人民都會住係同一棟建築，有來有往，所以大家都希望 peace wall 早日拆除

係 Peace Wall 見到「中國夢」真係好九唔搭八 = =

睇完新教居民住處，再行去舊教嗰邊，雖然駐足時間比較短
因為前面我地同司機吹左太耐水，包括佢啲仔女係邊度讀書，仔女有無男女朋友呢類話題講左好耐下
（例如宜家啲家長都唔會 care 間學校咩派別，只係 care 師資好唔好；佢啲仔女都返黎唔同學校，雖然唔知係 Belfast 呢度有咩做）
而且有澳洲的同伴好處係，佢啲問題啲精確度好好，可以幫我問好多我諗唔到 ge 問題

所以，當時係 Catholic 舊教呢面講 ge 唯一重點係，
因為係衝突正盛之時，大家好中意扔石頭、炸彈等東西到牆的另一邊，所以舊教居民會係露台裝個防護網保護間屋，亦因此大家無咩事都唔出露台

舊教人對當時的慘劇的看法

然後我們問司機，經過咁多年，Catholic 人民仲想唔想回歸愛爾蘭的懷抱
（Catholic 嗰派就覺得自己一直都係 Irish，所以佢地居住地會掛滿愛爾蘭國旗；而新教嗰邊就挺英國統治）
佢話其實 Catholic 舊派都有兩種意見，一種係希望北愛爾蘭可以重歸愛爾蘭的統治，另一種係覺得 Northern Ireland 既不屬 UK 亦不屬 Ireland，獨立成國；
跟住我問佢個人意見，佢話心底覺得自己係 Irish，所以立場係前者；但看看愛爾蘭政府的財政（不然歐豬五國是亂叫的嗎），佢覺得像現在模棱兩可，也蠻好的（欸）

Belfast central library

係 dismiss 的時候，有人問我同澳洲旅伴借錢坐巴士去Northern Ireland 嗰個 Bangor
跟住我地兩個嚇到彈開，想說應該是騙案

天雨濕滑，請小心

之後我原訂下午 3 點去 Titanic Museum，但時間尚早，
於是，我行返返去 Peace Wall, Fall Road (舊教地頭), Shankill Road (新教地頭) 一帶的民居，再看一次那些 graffiti，
唔好以為坐的士好似好快到，其實行，真係有排行；不過行落去同係車上睇係兩種唔同感受，落地行會切身感受到嗰種如箭在弦、當時人們走在路上隨時提心吊膽的心情

Remember Respect Resolution - 有做到了嗎？

路上有被子彈打過的痕跡，好可怕

一進舊教區，就跟你開門見山講這是 Irish Republic

係舊教區，始終都係見到掛英情緒

如果我第一日係行 Belfast 而唔係去左 Londonderry 先，我應該會覺得舊教係壞人為主
因為走在新教民居的路上，你會 get 到一個信息係，舊教 = 暴徒、濫殺無辜
但如果聽埋前文舊教以前係英國統治下受到好多唔平等的對待（甚至虐待），又覺得呢啲前因後果真係好複雜，就係因為當權者的計謀造成咁多衝突傷亡，就想嘆氣
當然我並唔認同用傷及平民的手段去達至任何目的
（天啊我現在也很混亂，現在只希望兩派人多一點了解和尊重對方的權利，平等對待吧，雖然誰應該先踏出第一步，真係一個好問題）

新教區一張講對舊教看法的 graffiti

回來市中心的時候就見到一群電單車司機係大街上行駛
唔知係咩活動，但感覺係有組織過類似比賽的形式，我的感想是︰北愛爾蘭的電單車司機可以用好一點的汽油，陣汽油味真係好大味，好似人地早期品質參差的汽油 lol

之後就去左睇 Titanic museum，因為當初 Titanic 就係 Belfast 製造
一開始仲有影相館，比大家模擬做 Titanic 船員拍照打卡（大家係咪以為我要講係 Jack & Rose 呢？）
而且仲要預約 + 限時入場，例如你要 book 定係下午 3點15分入場之類
雖然展館一開始似係介紹 Belfast 社會文化史，例如反英標語處處可見，好似 "England is Ireland's Enemy" 等等
然後講左 Titanic 建築工程當時有幾先進等等，仲有三面 LED Screen 比參觀者仿似入左船艙般的感受
到左展館最後一 part 係講海洋生態研究科技，有沒有覺得有點跳 tone

Nomadic

到左夜晚係時候要坐渡輪返 Manchester （無錯我今次唔坐飛機）
但係個碼頭離市中心成一個鐘步行路程，當時又無公共交通工具（最後一班車下午六點幾，但我架船十點先開）
於是，我超大膽咁，一個人夜媽媽係路上行一個鐘（如果你有旅伴或者趕時間千其唔好咁做）
路上有小朋友互相玩玩具槍互射對方，比着係其他地方見到呢個情況我會覺得充滿童真，但係北愛爾蘭呢個曾經發生好多武力衝突的地方，我第一下直覺係覺得發抖

恐怖 ge 係，我跟住 Google map 咁行，去到一個位佢指左我入類似工業村條路，嗰條路有門閘（雖然開住），睇落去唔似對外人開放，
但既然 Google map 咁指我，我就照行（再警告︰平時無咩野真係唔好咁做）
因為係星期日夜晚，所以啲工廠全部都唔開，而且行到入面，其他通往外面的閘都係關上，但偏偏工業村入面條路係最長 ge，
行到一半雖然係覺得好唔對路，洗濕左個頭又無得返轉頭，就死死氣照行
更恐怖的係，行行下啲路好似唔係好正常，似係好耐無人行過咁，而且街燈越來越暗，去到某個位仲要比樹林擋得七七八八，真係好可怕
行到最後，好在條路盡頭個閘唔係封住，於是我好開心咁跑出去外面自由的世界，但係嗰40分鐘同自己內心恐懼對話的過程真係好精彩

架渡輪真係超級豪華，首先內設扶手電梯（我真係覺得 WOW）
而且裡面裝修真係好有氣派（基本上只要係木製 + 黃燈光我就會覺得好 high class）
裡面仲有影院，賭博機器，仲可以出去睇海，雖然當時超冷超大風無人想出去
雖然我買最平的飛，無床訓，只能坐係酒吧枱附近啲椅

如果有人話，係81路等，你會唔會心諗︰邊度嚟？

第二朝係 Liverpool 落船，以為冒險旅程結束？才沒
因為碼頭離最近的火車站又有段距離，又要行半個鐘
而且更慘的是，我唔等渡輪公司提供的巴士去火車站，試圖自己行過去火車站
點知離開碼頭嗰陣就已經寸步難行，因為嗰架渡輪會載埋汽車、貨物，所以一出去其實係高速公路，我就係一堆貨櫃車的狹縫間穿插，
不至於險象橫生，但足以嚇個半死
而且離開碼頭後還要穿過一堆民居（重點︰我手機快沒電，尿袋壞壞地），當時街燈開始熄但仲未日出，而且仲有狗對我吠
我心想︰下次都係坐飛機好了，如果唔係自己同人自駕遊都係唔好坐渡輪 lol

結果因為返到 Manchester 太攰，而且宿舍火警鐘響（其實唔關事），
雖然原本想 Liverpool 直接火車返黎後直接上堂，但最後都係走左

我諗，我會記得係北愛爾蘭呢三日聽過、看過的事情

未完成的旅程 The Unfinished Journey #18 Northern Ireland Part 1 - Londonderry ~ Derry + Giant Causeway

去完 Scotland，都去過 North Wales，England 主要城市都去得七七八八
咁下一站應該去邊呢？如果我講 Northern Ireland 都合程合理吧
所以，北愛爾蘭之旅就這樣開始了

因為今次去 Northern Ireland 目的主要係睇以前 Catholic（舊教/天主教）同 Protestant（新教）兩派人的衝突遺跡
搭歌好像有點奇怪，所以 Northern Ireland  之旅就沒有歌，直接就這樣開始了

要來往北愛爾蘭可以坐渡輪，都可以坐飛機
而我去嗰程，就選擇左坐飛機，早上七點起飛，即係六點到機場
我係聽過有 exchange student 遇上呢種情況會去訓機場，但我覺得無必要
於是，我係清晨四點的時候就出左去等前往機場的巴士，諗住仲有啲時間剩就去 M 記買個包，結果架巴士早左到，離我而去，好在我預早左一班出發，然後巴士走的路線超兜圈
By the way ，當時有個醉酒中年男子係 M 記唔知做咩，比裡面啲職員兇狠地用棍趕左出去，結果佢就係 M 記個門口到唔知做咩，有啲恐怖

今次坐的航空公司係 flybe，其實我覺得無咩特別，No news is good news right？
飛機機程其實只有一個鐘（環保組織表示︰....）
坐係我隔離嗰個男士係住 Manchester （有點小小廢話），去 Belfast只係公幹（Belfast 係北愛首府）
而且因為係超早機所以裡面有一點空虛

請問機場出口點解要做到咁 ge 樣

Belfast 有兩個機場，一個係 international airport 國際航班，另一個係 city airport，我估計係比英國國內航班用的，而我落地地點係後者
然後我就輾轉坐巴士出發去 Northern Ireland 北部的 Londonderry ~ Derry 了
北愛爾蘭高速公路啲指示牌最好笑的地方在於，佢只會以 "The North", "The South", "The East", "The West" 去標籤啲地方，差唔多到先會有你想要去嗰個城市名
所以駕駛者如果不辨東南西北的話係會出問題的

一落地首先去 Guildhall 大約了解北愛爾蘭的歷史，
雖然我首先去嗰度的原因只係一落地就見到（因為我無好認真咁 plan 行程）但如果對 Northern Ireland 背景不熟的話我覺得呢度作為第一站都好
就是，故事的起緣在於 England 把 England & Scotland 人民送去 Ireland 建立所謂的 "plantation",好像是分給有錢階級（即係分餅仔）

這分薄（已經算掠奪吧，畢竟 Ireland 和英格蘭是兩回事）Catholic Irish的資源，讓 Ireland 那些Catholic 人民不滿

（當然先前仲有因為皇帝對原有宗教體制限制了他的皇權感到不滿，於是創立扶植新教有利皇權等故事，但因為我也不清楚兩者分別在哪所以我沒打算仔細講）

然後，Irish vs.English、新舊教之爭就這樣展開，到了現在還是看出勢不兩立的痕跡

Peace bridge，歐盟都有份參與

Londonderry 其實中間貫穿左一條河，
但我對佢的理解 City Wall 裡面同出面係兩個世界
係入面其實睇唔出有咩衝突過的痕跡，但一到左北面的 wall 到左牆外就覺得，有種隨時威脅着途人的氣氛在彌漫着

(Internment: Imprisonment without trial)

在牆外（尤其是北面）就是滿滿的排英情緒，例如你會看到愛爾蘭國旗滿佈
而且在民居外牆有很多所謂的 graffiti（壁畫），控訴着 Irish vs. British 衝突連生時英方警察有多麼殘忍不人道，而且做了很多違法的事情
而且以前在英國統治下那些 Catholic Irish 在職場、房屋分配、選舉權上一直受到很多不平等的對待，像資助房屋之類的福利都先給信奉新教的 British，Catholic 只能租屋
然後投票權是視乎那個人擁有多少物業而決定佢手上有幾多票，那不用說新教徒會有很大優勢

Free Derry Corner

係 1972 年1月30日的時候，Londonderry 一如以往地有不穩局勢，
呢一日亦有爭取 Catholic 人民的權利遊行，但遊行到一個轉角 Tracy's Bar 時條路突然比警察封左，有啲人嘗試突破防線，但係更多人係返轉頭
點知正係大家返轉頭的時候，有一大群埋伏左係宜家係郵局的警察開槍射殺好多示威者，當中有好多都係手無寸鐵的年輕人，
有父母想出去救佢地 ge 仔女，結果都被警察槍擊
多人傷亡，史稱 Bloody Sunday

那個時候也有很多政治犯，佢地有啲未經司法程序就一直被關住在監牢
而且佢地有一度更被當成刑事犯咁看待，更令佢地兩度發起絕食
Bloody Sunday Museum 有個帶大家遊覽城牆外民居那些 graffiti 的 tour guide 講得最多就係︰英國要統治北愛爾蘭，咁佢真係有當我地係佢 ge 人民咩？

 軍隊寫給 Bloody Sunday 死者家屬的信，超狠超冷血

嗶嗶嗶，警察在破壞公物哦（真的，tour guide 講是警察打爆左塊牌）

時到 2010s 卡梅倫政府先肯為英國軍隊/警方當初所做的惡行道歉，交出調查報告
離當初 Bloody Sunday 隔左差唔多成40年先有個交代
然後你再看看中國，想想看離 1989 年原來差不多快要 30 年了，又是忍不住嘆氣

由 Catholic 和 Protestant 的小孩合作畫的 graffiti 

大風到旗都爛左

到左日落之後去左一座新教教堂
裡面不能拍照所以沒照片看，我只能講裡面真係裝修得好新淨，比起 cathedral 黎得光猛，而且又白
但離開的時候真係超大風，應該話我係北愛爾蘭嗰幾日都大風大雨
所以，我就去了人家幾個 shopping mall 避風
話說係city wall 裡面有兩間精美的購物商場，置身係裡面會覺得好摩登、好幸福，根本唔會諗到四十年前牆外發生過咁恐怖殘忍的事

係北愛爾蘭，又點會搵唔到北愛爾蘭出生的演員 Jamie Dornan 的月曆呢

之後就到左翌日 5/12/15 跟旅行團去 Giant Causeway 巨人之路，睇自然奇觀
雖然，其實我係車上大部份時間都係訓覺
而且這一天比前一天更大雨，望出車窗其實係咩都睇唔到

 Carrick Rede rope bridge

Giant causeway

Northern Ireland 之旅，待續!

未完成的旅程 The Unfinished Journey #17 Scotland Part 3 - Edinburgh

話說擺在前頭還有一大堆旅遊遊記未寫

所以事不宜遲，趕快繼續寫

片頭曲︰記得懂得捨得 Letting go / 林凡 Freya Lim

https://youtu.be/pIA5jplXUZw

「愛你如果有所收穫 也許就是平和

承諾如果讓你不安 就忘記我」〈記得懂得捨得〉

雖然，我有啲唔明呢段話 Peace 係指軍事上的「和平」定心境上的「平和」

這一集是要正式遊覽 Edinburgh

雖然我係 Scotland 都係住係 Edinburgh 附近的旅舍

但其實除左 Christmas market 之外都無認真遊覽，

嗰種因為留左兩日對附近道路好似有啲了解，但其實又唔算有認真行過的感覺好奇妙
（其實，我對 Edinburgh 街道分佈的理解係當佢係北角咁黎認，都係火車/港鐡站南北各有不同）

Middle Meadow Walk

29/11 (日) 的早上首先原本要去 National Museum of Scotland

結果因為博物館未開門，所以先去附近的 Middle Meadow Walk，

題外話︰英國好多景點都係早上 10 點開門，大約 4、5點就關門，如果該城市晚間無咩活動的話基本上好多時間唔知做咩

National Museum of Scotland 都係一個大雜燴型博物館，
展品範疇由藝術、生物、工業科技、宗教都有，很難找一個明確的路徑跟住走，所以行到一半我都有啲迷路
而且佢好似分開兩個 wings，每個 wing ge 大堂建築風格都好唔同
當然裡面有提到 England 同 Scotland 之間持續的 struggle，不論係經濟上定係宗教上

裡面我印象最深刻的展品係模擬中世紀一家小屋
還有就是很多 Scotland 青少年自幼就出國讀書，例如加拿大、澳洲等等，但依然對 Scotland 有好強的歸屬感，例如加拿大某次人口調查裡面 420萬人稱自己的種族係 Scottish，粗略估計佔全國人口約一成 (雖然我唔肯定個調查幾時做)

雖然這張超矇，但其實係講 Scotland 一度富起來後貧富差距好大

片段中婦人們將桌上的衣/布推來推去，推得不亦樂乎，雖然我唔知作用係咩

臨走的時候，有一群講流利廣東話的青年女子係度等 lift（講到你唔係等lift 咁）

結果佢地開始講一個唔在場的人是非
大意就係講覺得嗰個人好麻煩，太頻密咁搵佢地令佢地不勝其擾；其中一個人有試圖補一兩句話嗰個人都有優點肯付出，但後來大家用港女 feel 語氣繼續講佢好煩之類的東西
我心諗，嘩好精彩有八卦聽，雖然同 museum 路綫有啲違和

（製作人︰一個月前的八卦點解你可以記得咁清楚）因為我生性八卦啊，雖然其實我不肯定有沒有記錯故事方向 lol

插曲︰點水 Skimming water like a dragonfly / 楊丞琳 Rainie Yang
https://youtu.be/BjtOxuT8Zec
「我大可繼續對你好  不介意蜻蜓點水般的打擾
只怕我對你的好 才是打擾」〈點水〉

食完飯之後我就去左 Edinburgh Castle
裡面 ge 模式同 Tower of London 有啲相近，都係係唔同的塔有唔同主題的展品展出，有軍隊編制，亦有皇室珠寶
雖然，其實我對裡面啲展品無咩特別感想，因為當日戶外非常大風同凍，所以到室內睇展品嗰陣心情都係為左取暖，而當人一暖和的時候，就想睡覺
但係因為 castle 位置地勢較高的地方，所以不論從外面看過去，定係係城堡向外看都覺得好壯觀

 以前到左下午一點，城堡會響一下砲

晚間的 castle，有無覺得有點陰森

接住我就去同一條大街上的 Scotch Whiskey experience 博物館
一入場就有個好奇妙的緩慢過山車（其實車身似碰碰車多啲），隨住車廂移動你可以睇到釀酒的 steps，好似重溫緊 chem fermentation 咁
然後職員比左張卡我同其他參觀者，張卡上面四個角落分別代表 Scotland 四種唔同 Whisky 產地，你用手指捽其中一角就會出到嗰種酒的味道
雖然我覺得係唔準確的，因為後來佢攞酒出黎比大家試嗰陣個味差好遠，我一度懷疑我抽嗰款酒係工業化學品（亂講話），可見我真的不愛喝酒

跟住就係 Mary Kings Cross，係一個收費的導賞團，仲有 virtual characters 係度講野，
話說 Edinburgh 就係充滿好多小巷，通常都叫 cross
係嗰度你會聽到好多好恐怖的故事，例如有個岳母聯同佢個女殺左個女婿，然後岳母坐監，個女因為有左身孕而唔使坐監
另外以前無污水渠、沖廁式馬桶嗰陣，大家會係夜間集體將排洩物倒出大街（我不確定是不是那個 cross），但最後會去到食水供應處
仲有個釘子戶的故事，雖然最後沒有什麼恐怖的事情發生
有一 part 其中一條巷set 左個 camera，幫你係巷到拍照留念，傳說中話會影到不存在的東西，雖然我嗰張無

嚟到 30/11（一），一早出發，
經過 royal mile primary school 時睇到有學生係打鐘嗰陣衝閘，有啲諗起以前中學時代

呢日首先去左原本無打算要去 Arthur seat，因為佢位於山頂
但好奇妙地，當時tripadvisor 係該城旅遊景點列表中，佢排列前茅，所以我又想去睇下
真係要翻過一山又一嶺先去得到，而且去到山頂真係好大風
仲有就係臨到 Arthur seat 攻頂嗰段路其實唔係好正式的行山徑，基本上係一堆不規則的石頭組成的東西，而且非常斜，加上天雨啲石濕滑
所以大家千其唔好學我咁一個人行上去，真係好危險，萬一跌親坳柴真係好難搵人救
到左山上先發現，其實個 seat 只係大石頭一塊 ...

落山的時候，有一個黎自 Essex 的陌生男人都係前往 Arthur seat
結果佢大力係草叢吐痰之後同我打招呼、問我邊到黎等等
筆記︰來自 Essex 的男人都會隨地吐痰（喂！這也夠沒邏輯）

然後就去了 Scottish Parliament，建築外型有點奇特
裡面有一個展覽講 Scotland 以前政制發展，
其中有一 part 講1457 年 King James II 下了一道法令禁止足球同高爾夫球，為左推廣射箭以推行國防政策，
雖然我一開始係覺得是避免有活動凝聚到民心，尤其 Golf 發源地就係 Scotland（我承認有一點陰謀論）
裡面還有一句話︰「Scotland is a land, and not a series of cities」，那香港是什麼？

然後去了 People's story museum
用小市民為本的角度講述以前 scotland 的歷史
例如以前貧富懸殊，以前人們以印刷業、洗衣店為生的日子，故事有好有壞，像一婦女開洗衣店的故事還蠻 happy ending 的
那些模型都做得好精美，可惜我沒什麼時間看

下午跟係 Scotland exchange 的朋友見面（雖然其實佢都返左香港）
雖然我們是用一個很閒逛的角度在走（雖然其實只係我揹住行李唔係好想去要坐巴士先去到的 shopping malls 之類）
於是，就在晴朗的下午，在 Scotland 街頭閒逛、吃 mussel（明明早上是大風大雨）

 我說，天文台一定要長這樣嗎？

好有趣的綠燈

我同我朋友講，覺得有啲似計數機，到底起完之後會變成點

結果 Edinburgh 之旅也平淡地結束了
平平淡淡，也不失為幸福
在回去 Manchester 的火車上，看見旁邊插着 reserved 卡紙的座位空着，可見有人錯過了火車（真刹風景）

片尾曲︰鼓聲若響 The drumbeat / 新寶島康樂隊 New Formosa Band
https://youtu.be/lbpgKhi3S0U
「若聽到鼓聲　阮的心情會快活
攀過了一山又一嶺　演唱阮甜蜜的歌聲」
雖然，我在前往 Arthur seat 的山路上一點都感受不到甜蜜，只是一直覺得冷，唱「發冷之歌」
大家還記得我的「發冷之歌」是什麼嗎 XD （拜託早就忘了）